Ṛebbi d netta i d yesnulfan kra yellan (kra yettmimiden), ayen nettwali d wayen ur nettwali .ur yesɛi tazwara ur yesɛi tagara.Yeẓra kra yellan, izmer i kra yellan ,yella di yal axmmim, di yal tama,di yal taswiɛt neɣ tagwnitt. 

Ṛebbi ixelqed amdan,yerrat ɣef uqaṛu n txelqiṭ-is.Ixelqitid am netta, ɣer ṣifa-s.Deg udlis iqedsen yura d akken amdan ibna ɣef krad n yeḥricen (ṛruḥ, tarwiḥt akw ttfekka).Nezmer ad nini daɣen d akken amdan d ṛruḥ yesɛan tarwiḥt yettidiren daxel n tfekka.

Illu d leḥmala, iḥemmel akw taxelqit-is ladɣa amdan i wumi ihegga isenfaṛen imeɣlalen.

Ṛebbi d imqedes ur yezmir ara ad yeqbel dnub,Amdan amezwaru adam ifkatid Rebbi ur yesɛara dnub.

Iɛeggen-as Ṛebbi i adam akken ur ixeddem ara yiwet n tɣawsa,i wakken ad iwali ma yella amdan yezmer ad iḥemmel Illu ines. 

Ṛebbi ittqadar tillelli  d lebɣi n wemdan . Adam yecceḍ, ur yuɣ awal i yillu , yedneb , talsa teɣli di dnub yid-s. 

Ṛuman 5:19 

Ihi am akken aɛaṣi n yiwen wemdan, yerra aṭas n yemdanen d imednuben, akken daɣen ṭṭaɛa n yiwen wemdan terra aṭas n yemdanen d iḥeqqiyen.

S dnub-is amdan yebḍa d yillu , ur yezmir ara ad yerr assaɣ nni yellan gara-s d Ṛebbi akken yebɣu yeɛṛeḍ.

S teɣdemt-is Ṛebbi yebɣa ad iɛaqeb amdan maca s ṛṛeḥma-ines,yebɣa a -t isellek. Amek ara mlilent taɣdemt akw d ṛṛeḥma? 

Tifrat d Yasuɛ Lmasiḥ ,mmi-is n yillu , yellan akkw d baba-s ,ur yednib maca yeqbel ad yemmet deg umḍiq n wemdan ,akken i d yura di tira iqedsen.

2 kurintus 5:21

21 Win akken yellan d azedgan leɛmeṛ yednib, Sidi Ṛebbi yeḥkem fell-as deg umkan-nneɣ am akken d amednub i yella iwakken s tikli-nneɣ aked Lmasiḥ, a nili d iḥeqqiyen zdat n Yillu.

S lmut-is yasuɛ isemlaɛi amdan d yillu ines .S leḥmala yagi ur nfennu ,s teflest Ṛebbi iqbel anuɣal ɣer ɣur-s. .

lecɣal 4:12 

Deg-s i yella leslak ; ulac di ddunit meṛṛa isem nniḍen swayes i nezmer a nettusellek .

Deg lenǧil n yuḥanna, anaf ayen i d yenna yillu ɣef leḥmala ines tamuqrant, i d ibeggen imi i d yeffka win akken aɛzizen fella-s.

yuḥanna 3:16

 Axaṭer Illu iḥemmel imdanen n ddunit meṛṛa armi i d-ifka Mmi-s awḥid iwakken kra n win yumnen yis ur ittmettat ara meɛna ad isɛu tudert n dayem.

Yefkad ttbut d akken anili di tgelda igenwan,Ṛebbi icegɛed Ṛṛuḥ-is iqedsen ɣer wulawen nneɣ ad yennagi i ṛṛuḥ nneɣ d akken d arraw n Ṛebbi i nella.

nesaram a-tt-ttikkim di ṛreḥma yagi n yillu s leḥmala ines.I wakken a-tt-fahmem ayen akka i d nenna ,yelha ad tafem adlis n wawal iqedsen akken a-t-ɣṛem-t.