Ur yelli kra n leḥsab igeɛnan acḥal n wid ighedṛen tutlayt tamaziɣt di ddunit, lameεna aṭas igedduklen aken ad-innin leḥqen azal n 45 imelyunen n yemdanen igemzerwaεen di tefriqt ugafa aked watas n tmura nniḍen.
Lmaṛuk 34 988 733
Di tmurt-agi n Lmaṛuk,leḥqen ger 40 d 45 ɣef meyya seg imezdaɤ-is ighedṛen tutlayt tamaziɣt deg usseggas n 2016.
Tacelḥit: Heddṛent azal n 8 imelyunen n yemdanen, amur ameqṛan deg-sen deg waṭlas uffela, di Ssus aked tama uffela n Seḥṛa, aṭas deg sen zedɣen timdinin meqṛen am kazablanka, Maṛakec,aked Rabaṭ.
Tamaziɤt n Lmaṛuk alemas: umi qaṛen zik Beṛabeṛ.
Ger 4 ar 5 imelyunen n yemdanen i tt-ihedṛen deg waṭlas εlayen aked waṭlas alemmas.
Tarifit: Azal n 3 imelyunen n yemdanen i gheddṛen tutlayt tarifit.
Anaf daɣen aṭas n tutlayin i d-yefrurin si tmaziɣt i sseqdacen aṭas n imaziɣen di Lmaṛuk s ges, aṣenhaji n tama n ṣṛayeṛ azal n 40 000 n yemdanen, Gumari azal n 10 000 n yemdanem di tama n Rif, tamaziɣt n Figigazal n 30 000 n yemdanen.
Llant daɣen tutlayin nniḍen n tmaziɣt imxalafen kra di Lmaṛuk deg aṭas n tikwal ttwacudent ɣer tmeslayt i ttwasnen , ma yella neddem-d timeslayin izenatiyen n waṭlaṣ alemmas n usamar at-naf icuba aṭas ɣer tmeslayt n tmaziɣt imi ttemsefhamen.
Ameslay n At Snassen si tama-s d wid n tama n Jeṛada ttmalen yerna tcuba tameslayt tarifit imi ttemyehdaṛen nebla ugur.
Lezzayer:
Lezzayer tesεa ger 25% d 35% n wid yettmeslayen tamaziɣt si 40 656 767 deg useggas 2016.
Tacawit: ttmeslayen-tt wazal n 2,5 n imelyunen n yemdanen di tama n usamar n tmurt ladɣa deg lewṛas d twilayin n batna, xenecla, umlebwaqi, tbessa, suqhṛas, tama n wenzul n sṭif aked yiwet n tama di galma d biskra.
Taqbaylit: s 5 n imelyunen n yemdanen i tt-ittmeslayen, Taqbaylit teṭṭef amkan wis sin mbeɛd tacelhit. Ttmeslayen-tt di tiziwezzu, bgayet aked kra n temnadin di tubirett, bumerdas d lezzayer tamanaɣt i deg umur ameqran n yeqbayliyen ( nnig n sin imelyunen). Llant daɣen kra n temnadin di sṭif d buṛj buεṛirij. Mebla ma nettu iqbayliyen yettidiren di kra n temdinin timeqranin n lezzayer am wehṛan d blida, aked daɣen wid yettidiren di tmura tibeṛṛaniyin.
Tasahlit: d yiwet n udem n tmaziɣt i ttmeslayen di tmurt n leqbayel aked idurar n babuṛ ger tmurt n leqbayel d wawṛas. ttmeslayen-tt di tɣiwanin yellan di tama n usamar n Bgayet (Awqas, at smaεil, Taskeryut, Melbu, Tizi n Berber, …), akett ɣiwanin yellan di tama n umalu n Jijel (Zyama-Mensuṛya, Rragen, …), rnuyur-sent agafa n Stif (Babuṛ, Wadlbared, At tizi,…).
Tacenwit: ttmeslayen-tt di twilayt n Tipaza, Ain defla, aked sswahel n Clef ɣer tama n umalu n Lzayer tamaneɣt ( azal n 180 000 n wid i tt-ittmeslayen).
Tamzabit: ttmeslayen-tt yemzabiyen deg wenzul n lzayer. Ad ilin azal n 150 000 ɣer 200 000 n yemdanen i tt-ittmeslayen.
Tatergit: ttmeslayen-tt deg wenzul n lzayer (ttmeslayen-tt daɣen deg wenzul amalu n Libya, di Mali, di Nijeṛ. Deg ugafa n Bugkinafasu). Agdud atergi yellan di lzayer macci d win meqqren, lehsab-nsen urittɛeddi yara kra n tɛecṛatin n yigiman n yemdanen. Aɣref atergi akken ma yella, iɛedda amelyun n yemdanen.
Tacelhit: ttmeslayen-tt di bni Busεid i yellan d yiwen n lεeṛc amaziɣ n 13 000 n imezdaɣ deg wedrar n Asfur di twilayt n Tlemsan, di Cellala Dehranya, di Busemɣun d Asla yellan d tuddar di tama n Lbeyyed, aked daɣen di tɣiwant n Bni Sennus di Tlemsan yesεan azal n tnac n tuddar.
Tagergrent: ttmeslayen-tt di temnaṭ n Wargla d Ngusa aked Tugurt d Ruɣa yellan deg-s.
Tazennatit: ttmeslayen-tt wazal n 80 000 n yemdanen di Tewwat di lzayer.
Tacelhit n Blida: ttmeslayen-tt deg idurar n mitija.
Tcelhit n at Acɛaca: ttmeslayen-tt zik di tama n Mustɣanem, tura tenqedwa.
Tamslayt n At Hlima: ttmeslayen-tt zik di Frenda dedwenzulasamer n Maskaṛa, tura tenqedwa.
Tunes 11 417 808:
Di tmurt n Tunes anda taεṛabt tatunsit tutlayt n 98 di meya n imezdaɣ-is, tacelḥit t ttwahdaṛ di kra n tudrin di taman wada n tmurt—Cenini, Dwiret, Matmata, Tamezret, ɣumrasen, …. Blama nettu d aken di kra n tudrin di tigzirt n Djerba deg-sen Gellala,/Iqellalen, Ajim, Sedwikec/Azedyuc, Ursiɣen, anaf daɤen di tama n idurar n Gafsa neɣ Sbitla.
Mali aked Niger:
Imaziɣen di tmura-agi leḥqen azal n 10 ɣef miya, hedṛen tamaziɣt n Tamasheq aked tamajaq.
Libya 6 273 222: Wid iheddren tamaziɣt di tmurt n Libya leḥqenahat 10 ɣef miya seg imezdaɣ-is. Zedɣen di tama umi qaṛen idurar n Neffusa ak ttemdint n Zuwaṛa illan ɣer tama lebḥeṛ.
Di tama n Yefren hedṛen ayen umi qaṛen tameslayt Ifren. Tamaziɤ tttmeslayent di Awjila d Sukna. Tamaḥaqt hedṛen-tt daɣen di tama n ɣat ,azal n 17000 n yemdanen.
Tigzirin tikanaṛiyin: Di tigzirin tikanariyin zik tmeslayen tamaziɣt umiqaṛen le Guanche, assa tenefqad ur yelli win it i heddṛen. Lameεna azal ameqṛan n imezdaɣ-is iheddṛen taspenyulit qaṛen d aken imezwura-nsen d imaziɣen.
Maṣaṛ: Isiwiyen d nitni kan ig heddṛen tutlayt tamaziɣt di tmurt n Maṣeṛ. Zedɣen di tama n Siwa aked Qaṛa. d nitni ig ṭurfen ar tama n usamar n tmazɣa.